Friday, December 4, 2015

2015 年買牛記

今年除正職外,還做了份沒薪兼職 --- 乳牛買手。因為今年花了很多時間為自已和朋友搵牛買牛。

隔山買牛須花很多時間跟進按揭和律師,英國按揭和conveyancing 手續可以長到你唔信。如果你懶懶閒唔催促,可以四個月都未完成交易,就算你keep 住pushing,都唔會快過兩個月,除非你遇到個好似九十後Ricky 兄甘好嘅律師。我最快個交易都要兩個半月先完成。但係如果你成日催,你個律師一定會唔高興,佢地文化係甘樣,所以唔好抱住香港人要求嘅服務心態,否則好易踫釘。

除了幫自已隔山買了六隻牛之外,亦為有須要買牛的朋友搵靚牛。反正我花了時了解行情,帶拹吓朋友自己也覺得開心。

三個朋友之中,第一個本身有隻倫敦牛,早年經展銷會買落,隻牛本身肥佐好多,但呢隻牛出產牛奶唔多,所以佢買完第一隻北方牛之後,發覺產奶量好足夠,北方牛價錢還不及係倫敦牛四分之一,但租金卻接近倫敦牛一半,所以叫我快快幫佢繼續搵牛,最後佢總共買了四隻。

第二和第三個朋友都是首次隔山買牛,分別買了三隻和一隻。但係佢地仲未買夠數,我任務仲未完成,希望可以係新BTL 印花稅生效前買得幾多得幾多。

總結今年初到現在,經我手買入的共14隻牛,總值過二千個。當中一切順利,總算對自已和朋友有交待。更避過了香港風雨飄搖的股市和樓市,


 以下是為朋友所搵的,第一幅是14個中最靚的。


18 comments:

  1. 師兄利害, 買牛買到成個牧場咁
    我諗而家買英國樓投資真係好過喺香港買, 所以具有走出去的視野總是較好, 投資股票都係。這亦是以前香港成功的方法之一

    ReplyDelete
    Replies
    1. 距離牧場還遠呢。
      香港物業和英國好唔同,香港係過山車市,上車落車合時,回報好可觀。英國(倫敦以外)係長途小斜坡市,正現金流強,長遠回報一樣可觀。

      Delete
  2. Wahh 真係好正 咁呢咁多間係咪都係經當地agent 搵定上right move 找?

    ReplyDelete
  3. 真的很厲害,那麼短的時間就做了這麼多買賣! 我而家主力硏究伯明罕,但論樓嘅質素同回報真難以同曼巿相比。請問HareT 兄有時間能否寫一篇分享一D最終沒有proceed 嘅targets,同當中的考慮同分析過程呢?

    ReplyDelete
    Replies
    1. 我自己最終有三間冇proceed,有一間agent掛羊頭,賣狗肉,仲俾人騙佐1000磅, 唔緊要成本一部分。一間agent 話做到按揭但最後唔得。一間自己唔想去,因為開價高佐。
      可以遲啲寫。

      Delete
    2. 個騙案似乎很有趣。我之前reserve 英國樓花比個發展商呃,而家有2500磅重末收回,重同佢哋對戰中,所以真係要好小心先得。

      Delete
    3. 樓花相對風險高。希望你可以攞番定金。
      我個case 個agent 唔係有心呃,只係我第一次未領略到個種模式。個單位唔差,有租客,回報有7%,只是ground rent 唔合理,所以選擇withdraw。
      其實我對英國制度好有信心

      Delete
  4. 想請教一下,有沒有試過agent要求堤供approval in principle呢?hsbc 是否能提供?另外,我發覺通常send email agent都唔理,要打電話去先得,而且他們似乎都不太熱衷,似乎真的要花不少心機。

    ReplyDelete
    Replies
    1. 係香港你話俾agent聽,你想買樓,每日一定收電話收到手軟,但係英國沒呢支歌仔唱,所以有啲網友問有冇好agent 介紹,我諗佢地以為跟住好似香港甘坐定定等agent call睇筍盤,幸好Potter 兄試過點出實情。真實的情況是要自己花好多時間先有收獲。

      Approve in Principle 有效期三個月,你可以係未搵到樓情況下申情按揭,攞AIP。自己作個銀碼,想買地區。但係律師一般要兩個半月完成程序,如果你攞到AIP 兩個星期內搵唔到合適的樓,AIP 有機會係完成手續前失效,到時一係cash pay 或者取消交易。

      當agent 問我攞AIP,我通常俾bank statement 佢睇,銀碼足夠cash pay, 當然hide佐戶口号碼。但係唔係個個問要AIP。


      Delete
    2. 多謝解說。我問Bea 但佢哋冇aip, 我都係俾stmt算。而家重摸索緊點同agent溝通,一次問太多問題又奇怪,攞email問又唔覆

      Delete
    3. 其實只係問,而家出租緊幾錢,service charge,ground rent 同lease year 已足夠。開頭唔好問太多嘢,agent 會唔釆你,其他的容後自然知。

      Delete
  5. Replies
    1. AIP=approve in principle.
      stmt : 你睇上文下理是 statement

      Delete
  6. 九十後Ricky 兄甘好嘅律師? 可否介紹這位律師給我?digbycwf@gmail.com

    ReplyDelete
  7. 你揾的牛,
    是透過zoola or rightmove 嗎?

    ReplyDelete