遊學自遊行

每年暑假都有很多家長為子女參加遊學團，一般費用不菲。

今年我都為一對兒子攪遊學，話明攪就是自己直接搵當地教育機構報名。點搵？上網搵囉，而家有乜上網做唔到。暑假一家大小已成很多香港家庭指定節目，我亦不例外。只是今年將幾個目的綜合在一個行程內，旅行遊學為所有單位(自己和朋友加起來，到暑假時應該一共16間) 做一次inventory check, 唔一定須要，但清楚知道有什麼傢俬，實際間格，到傢俬要換時，都知道什麼傢俬最合適。如有須要，亦會為現有租客添值儲物或擺設傢俱，等租客可以住得舒服些。其實呢個inventory check 諗法是我個人癖好多過實際須要，實際唔須要，因為物業已出租中，只是想更清楚物業情況。可能因為我是處女座，追求完美。

作決定了後，就將英國行程加進暑假旅行之內。老婆亦開始搵當地機構的暑假活動，都幾容易搵。一星期五天的活動只須160磅，玩仲平過香港YMCA 暑期課程(約HK$3500五天)。到時阿仔朝九晚五上堂，我就同老婆駕車周圍去，亦都讓老婆有休息的機會，因為暑假是全職媽咪(特別是仔女還在小學階段的)全年最辛苦月份。平日仔女返學時段，就是全職媽咪的私人空時間，但是暑假個半月沒堂上，全職媽咪要全時間照顧，真係辛苦過返工。

其實英國有很多不同種類的summer camps，day camp 同 overnight camp 都有，收費一般以每星期計算，多數可以係網上報名。Overnight camp 介乎每星期400磅 至 750磅都很普遍。上網搵到一個overnight camp，市場定位國際學生，導師學生比例是1：4，相信已經是比較貴的了，每星期都只是750磅。經香港報名的兩星期遊學團，費用約3.5-4萬港元(包機票)，但師生比例1：15。可想而知經香港報名真係貴好多，而質素亦未必好。以一對仔女計，自己安排遊學團自遊行，省回的費用足夠買父母同行的機票。

巧合地Apartment 1 租約於到步前兩天約滿，即是可以住番自己間屋，慳番啲住宿錢。

機票和車都已book。暑假快啲到，期待呢個悠長假期。