Saturday, July 9, 2016

自遊行租車經歷和小貼士



每次旅行我都會花很多時間搜集資料和計劃行程,務求豐富整個行程。每次都是自遊行,從來未試過跟團。 租車更是指定交通安排,除只停留大城市吃喝玩樂。自駕遊可省回很候車時間,如去大城市以外的小鎮,自駕更是唯一的途徑。尼幾年拖住兩個豆丁一齊周圍去,間中帶埋老人家,租車便成必須安排。

我租車從來唔租導GPS航,勁掠水。成架車日租都係2~3百港元,GPS導航成為每日150港元左右,搶錢,明蛤唔識睇地圖啲人。日本就每架車都有導航。

無論去邊度租車,總會見到以下幾間租車公司:Avis, Hertz, Europcar, Budget。
以下兩間係歐洲都非常普遍:Sixth, Alamo。

租車好似以前買機票情況,去旅行社買機票會平過直接去航空公司買(而家都唔一定)。租車去的綜合租車網站會平過直接經租車公司網站。

但是經唔同租車網網站book,價錢可以相差好大。

歐洲第一次租車於2000年,係法國,一個人出trip,周未搵地方去,於是由巴黎坐TGV(即是高鐵)去Tour車站攞車遊古堡區,所有古堡都係郊區,交 通極之唔方便。所以唯有租車,棍波+左軑都ok,15分鐘適應到。個陣時未興用互聯網book,係巴黎其中一個TGV車站book定攞車。好彩有公司 discount code,平好多,兩日唔使400hkd,不過有mileage limit 150km/day,即兩日最多300km,多出每公里計,好唔低,但是小範圍夠用。如直接Avis or Hertz walk-in 最少每日400hkd(以當時情況,而家平佐),好處是unlimited mileage。網上租車普及後,車租越平佐,相反公司客越來越貴,所以而家都唔須要了。

用過的租車網:
1. www.autoeurope.com
2004,第一次經呢個網站租車,由瑞典揸去娜威。當時搵佐好多網站,係呢個最平。記得當時不為意下set "Country come from" =USA,個價錢比set HK 平約10%。唔個點解,可能業內知道美國租車平,所以收平啲。又或者係網站bug。
呢個租車網只是用了一次,因為搵到第二個仲平的。現時呢個網貴佐好多,好多年沒經呢個網租車。

2. http://www2.tocoo.jp/en
日本租車網站,用佐十幾年,嶄時都仲係最平,比直接經 Toyota or Nissan 等租平好多,但攞車都係呢啲大廠。
第一次用係2001,於北海道,冬天。當時仲好少人知呢個網。難忘由阿寒湖去摩周湖,40km 路程用了3小時,當時大風雪,能見度只有約20m。一個晚上,車頂積了半米高雪。幸好尾隨一架
雪車,否則根本分不清路面。

2015年聖誕節長野,又是一夜半米高雪,成架車俾雪包住佐。 同樣是半米高車頂雪,北海道的積雪用雞毛掃輕輕一掃已經散開,但是長野的雪要用力
摌走,因為北海道的雪好乾和輕,有些人稱它為粉雪。呢種雪好綿,滑雪一流,跌倒都沒甘痛。

冬天,北海道租的車都是雪車。但是從沒有雪的城市(eg. 東京,大阪,名古屋)取車,要特別要求雪,要加附加費。




點樣分辨雪軑

 

3. ww.webcarhire.com
2005年,紐西蘭,經呢個網站租車,那時呢個網站的賣點是no one way drop off fee(其實是已包在報價內,應該會平過取車時繳附給租車公司)。Christchurch 取車,Queenstown 還車,當時check 佐幾個租車網,真係比其他網站平。缺點是取車和還車唔同時,只限同一國或家。之後多次歐洲租車都係經呢個網。

4. www.drivenow.com.au/
2014 4月,Tasmania,嘗試搵webcarhire 以外的選擇,發現呢個只做澳紐的租車網(現時己含蓋很多國家)。當時個價除了平過webcarhire之外,主要賣點是只須提供姓名,電話和電郵(忘記了有否提供pasdport no.)已完成booking,唔須要信用卡資料。Book了之後,內心總是半信半疑,懷疑是否可靠。當時佐取車是經Europcar,於是用booking 上Europcar官方網站查一下,真的搵到相關booking。
個次租佐架Misubishi SUV,一般情況兩個人,我會租架細車。但是考慮到Tasmania有好多野生動物,啲鹿夜間會衝出馬路,人生安全最緊要,所以租架大啲嘅車。

秋天的Tasmania雖然冷了一點,但是有很多紅葉,酒莊的葡萄樹葉都變成了金黃色,值得一遊。


5. www.expedia.com
2014 7月,南韓,由於webcarhire 不含蓋南韓,於是又google 吓。一向對主要是book 酒店的網站沒有特別期望,但奈何韓國本土的租車公司全部都好貴,Expedia 平過Priceline, Orix 等。

原來google maps netvigation 係南韓用唔到,幸好出發前已知道,但是都係唔租GPS導航,唔會屈服於掠水原則。
原來 google play 有好多免續費導航apps,縱使沒有commercial apps 好用,但是都ok。
仁川機場取車,即時揸去南韓東面,應該有300km。兩小一老+老婆,第一晚有冇酒店瞓,都靠晒我,都沒話沒壓力,所以事前準備功夫要好足。

手機裝了3個免費導航Apps , 離岸試過點用。唔係當地點試?好簡單,load 香港地圖試點樣操作個Apps。 做事原則一向有plan B + backup。

9天行程,順利回到仁川機場還車。有驚無險,地圖小路唔齊全,要靠自己。由首爾去樂天坡州outlet時,將近到時導航唔識搵路,去程白天仲認到路安全到達outlet。Shopping 完滿載而歸,已是晚上九點。漆黑一片,道路沒有街燈,點算?知道outlet 向西不遠是海岸,沿海岸北行便是北韓,應該只有百多公里,行錯方向就大件事。向南便是首爾,於是朝着大方向,向西到達海岸的高速公路,然後向南行,直至入到導航認到路範圍,心也定下來。

6. www.arguscarhire.com
2016年暑假,還有兩星期出發。有一段由奧地利Vienna取車,瑞士Zurich還車,唔同國家還車 Webcarhire 做唔到。


經呢個網站book了兩程:
  • 英國10天,London Heathrow 取車和還車, Compact, wagon type, HK$2500。
  • Vienna 取車,Zurich 還車,12天, Intermediate, HK$5200。如果還車同是Vienna還車,車租只須約HK$2800,即是one way drop off fee HK$2400。唔想走回頭路的代價,亦省回一天的回程時時,都值得。
格過價,最少平佐二千。

呢個網站名不經傳,相信好少網友用過。因為尼個網唔出名,於是仔細Google 下佢背景,以免受騙。呢個網站背後的car rental search engine 由 CarTrawler,再查證了CarTrawler 網站亦都清楚說明Arguscarhire 是合作伙伴,於是也放心book 了。CarTrawler 提供B2B 和 B2C的租車平台,很多旅遊網和航空公司都使用其平台,2014 年處理了二百五十萬個租車bookings。
後來發覺Expedia也是用Cartrawler平台,如果背後平台一樣,搜尋結果也是一樣。如果一早知,我會經Expedia,始終出名啲。

租車小常識:
租車價錢一般跟據車輛大小來厘定,除了特別車種,如開筆跑車名牌子車。租車公司會跟據車輛大小分車種,如category ABCDE...每個車種內都,跟據大小而分的車種包含了所有大
化的品牌,例如網上book 車時,報價可能顯示Peugeot,但取車是可能是Hyundai,所以同一車種,我一定選最平的報價,而會考慮所顯示的車輛牌子。

Car type :

  • Mini
  • Economy
  • Compact
  • Intermediate/Mid-szie
  • Full sized/Standard
  • Van(7seats or more)
  • Special type : SUV, sport car, branded(eg. Benz), etc
租車保險:基本保險包括Thief Protection(TP) and Collision Damage Waiver(CDW)。多數網上租車都硬性包了呢兩種基本保險。

CDW保障租車人士縱使架車撞到total loss(最好唔好發生,生命最保貴),只須賠墊底費,歐洲租車墊底費約800歐元。即是CDW將嚴重撞車賠償的風險降到唔會感到肉痛金額。如小損壞,只賠實際維費或墊底費(以較低者為準)+loss of revenue(即維修期間損失車租)。

Excess reduction(墊低費括免) :這保險承擔車輛任何損壞,免墊底費和loss of revenue,即0 賠償。可以百分百安心的背後是付出昂貴的保費,比CDW 保費貴好多。
我本人就唔會加呢個保險,例如我租十日車,附加excess reduction,要俾一千至千五(港元計,間間收費唔同),但是只保障了不到一萬港元的風險,有點over-insurced,所以認為唔值。

其他:

  • 租車一般越早 book 越平,建議最少三個月前Book定。
  • 如要加Car seat or Bloster seat,有些租車網以每天計,有些以per rental 計。有些租車網會賺租車公司差價,價錢可以相差好大,如果車租平但附加配件貴,可以用booking reference 直接去租車公司附加配件。
  • 切記細閱cancellation policy 條款,縱使free cancellation,有些費用可能不能退回。如Arguscarhire 和 Expedia,有約200港元是不能退回。